DAAN HILCHETNA HAW
Thc Laws in Detail
VAANGBUOHNA HAW
(Blessings)
Juda mi khat chun vaangphatna atuokhah kuom leh chule Pathien thupieh haw dungjui a thil khat abawl sie leh Pathien chu phatthei-buohna aneijiin, kipahthu aseiji in ahi. Hitia kipahna leh phatthei-buohna tauna jousie chu "Pakai ka Pathien u, lei le vaan Leengpa Vahchoiin um ta'n" .... tiin akikhumsin in ahi. (Hebrew pauva akipatna thubul chu ei pauva achaina ahi).
l. Hebrew pauva athusei/athucheng haw ikhel lou poule Vangbuoh tauna hi Pau iheet khat peen peena sei aphamaw puoi; hi'nla ahitheile Hebrew pauva sei dei aum peene.
2. Tauna kiti pou pou iman ding phaatle khut le tahsa ahithei ohana suhthien masat ding angaije; Pasal khat chu aluchang khuna (lukhuh) beija tauna aman lou ding ahi.
3. Lei chunga keh, kung nei, chule aga ilaw joule thi pailouva kumkita ga ding abah haw hing den nalai, (akung chu neucha hijongleh)- chetobang theiga ineh ding leh hiche thngvahna hi sei ding ahi.;— "Pakai ka Pathien u, Lei le Vaan Leengpa, thing kunga ga thei haw siema, nangma vahchoiin um ta'n". Hebrew in - Barukh atta Ad-nai Eloheinu melekh Haolam Borei Peri Haetz.
4. Tuol/Lei ehunga keh, guijaam chule kung neilcu, aga ilaw joule thi pai jieng (mawt tebang) ehetobang thei le anche-louhing haw neh masanga seiding :- "Pakai ka Pathien u, Lei le Vaan Leeng-pa, lei chunga keh thei haw siema, vahchoiin um ta'n". Hebrew in - Barukh atta Ad-nai Elaheinu melekh Haalam Barei Peri Haadama.
5. Buchang, jaat 5 (nga) haw -- (wheat, barley, spelt, oats, rye) lah’a khat peen peena kisiem chaangbuong chu twithieng (theitwi hilou) toh kichohhela changlhah a kikang ineh masanga sei ding :- "Pakai ka Pathien u, Lei le Vaan Leengpa, leisieta kuona chaanglhhah hin siemdoh ah, vahchoiin um ta'n". Hebrew in - Barukh atta Ad-nai Elaheinu melekh Haalam Hamatzi lekhem min Haaretz
6. Chaanglhah chunga Phatthei buohna isei jou nungsanga thildang kine haw adingin vaang achuoma thangvahna sei angai ta puoi- phaat khata thakhata ineh khawm ahi leh. Ahi’n, thangvahna achuom beha sei tei ngaina nehthei lawikhat aumin, che haw ading vaang chun atumbeh a thangvahna sei angaaijin ahi; chehaw chu :- Thingkunga ga thei, Coffee, Cha, Wine (Lengpitwi) chule Cake ahiuve. Chehaw hi bu-neh a neh hilouva kamkhuona (desert)dana bou ineh ahi leh thangvahna sei angaaijin ahi.
7. Chaanglhah neh masang leh khawn, asietna umlou khatna twi dopa khut langkhat ni vei vei sawp ding, chujou tiengle thangvahna -" Pakai ka Pathien u, Lei le Vaan Leengpa, Athupieh’a ei suthieng uva Khut sawp ding thupieh ei pie va, nangma Thangvahin umtan" tihi sei ding ahi. Hebrew in — Barukh atta Ad-nai Eloheinu melekh Haalam Asher kiddeshnu bemitzvothav vetzivanu al netilat Yadaim. Hiche thamgvahna isei jou apat chaanglhah hal khat (olive ga saanga neujaw lou) ineh a ivallhum kah apau
puoh theilou ahi.
8.Wheat, Barley, Spelt, Oats chule Rye {eihaw dimgin Anchang } a kisiem Cake neh ding phaatle—"Pakai ka Pathien u, Lei le Vaan Leengpa, dam theina dinga neh ding jaat chuom chuom hin siemah, nangma thangvah in um ta'n". Hebrew in - Barukh ata Ad-nai Eloheinu melekh Haolam Barei minei Mezunot. hi sei ding ahi.
9. Leengpi-thei (Grape) twi ham Grape akuona kisiem ju (wine) ham dawn masang a sei dimg:—"Pakai ka Pathien u, Lei le Vaan Leengpa, Leengpithei-ga le atwi haw hin siemah, nangma vahchoiimn um ta'n". Hebrew in - Barukh ata Ad-nai Eloheinu melekh Haolam Borei Peri Hagafen.
10. Du-man hilou, thilouna dinga (sawlsam jieha sahle lhang) neh chule Lou (Medicine) kha nehna dinga twi kidawm haw chungah thangvahna thu sei angai puoi.
11. Theiga jaat chuom chuom haw kum khat sunga neh masatna pen ham, thilkeu thah (nih-le-puon) nei phaat ham, Inn thah nei phaat ham le hiche thangvahna hi akisei jie:— "Pakai ka Pathien u, Lei le Vaan Leengpa, hing le dama eina ching uva hiche tobang phaat pha mu thei dinga ei huoidam uva, nangma thangvah in um ta'n". Hebrew in — Barukh ata Ad-nai Eloheinu melekh haolam shehekheyanu vekimanu vehigyanu lazman haze.
12. Thilkeu thah inei chu eima chungkeu hilouva inkuote toh kikop thei ahia ahile hiche hi aki sei jin ahi. "Pakai ka Pathien u, Lei le Vaan Leengpa, khotuona le phatna a dim, nangma vahchoiin um tan". Hebrew in - Barukh ata Ad-nai Eloheinu melekh Haolam Hatov vehametiv.
13. Thingkung lien (tree)a kuon, gimnamtui inah masang leh -"Pakai ka Pathien u, Lei le Vaan Leengpa, thingkunga gimnamtui umsah, nangma vahchoiin um ta'n". Hebrew in — Barukh atta Ad-nai Eloheinu melekh Haolam Borei Atzei Besamim. Gimnamtui chu thingkung hilou, hampa hawa kuon ahile- "Pakai ka Pathien u, Lei le Vaan Leengpa, Hampa namtui haw siema, nangma vahchoiin um ta'n". Hebrew in - Barukh atta Ad-nai Eloheinu melekh Haolam isvei Besamim. tiding ahi. Thil tamtah kihelkhawma kuon gimnamtui, ipi peentaha hung kuon ham ti hettheilou ahile hiche hi aki seijie.-"Pakai ka Pathien u, Lei le Vaan Leengpa, thil namtui jaat·jaat siem, nangma vahehoiin um ta'n." Hebrew in -Barukh atta Adonai Eloheinu melekh Haolam Borei A/qney Besamim. Nehthei theiga, agimnam jong tui naah masang in —"Pakai ka Pathien u, Lei le Vaan Leengpa, theiga sunga namtui hin koi, vahchoiin um tan" tihi sei ding ahi. Hebrew in -Barukh atta Adonai Eloheinu melekh Haolam Hanatahne Reyakh T ov Bepirot.
