KUT NI - YOM TOV.
KUT NI - YOM TOV
(a) Alhaangpia vetdin, Sabbath nia dinga thienglou haw chu Yom Tov nia dingin jong athieng dieh puoi. Ahi'n, thil bawl phabep - bu huon le domain khata kuona domain danga thilkeu dopchawn ti tobang haw hi Sabbath nia thienglou hijongle Yom Tov nia dingin vaang athien theina lampi aume.
(b) Yom Tov nia neh ding bu chu ache ni mama a chu huon thei ahi; ni danga neh ding vaang huonthei ahipuoi; ajing-athaai chu Yom Tov ham Sabbath ham hijongleh athieng dieh puoi.
(c) Yom Tov chu Friday (iraini) toh akituo khah-a Sabbath a neh ding huon angaia ahile abawl daan lampi aume : Yom Tov masang (Thursday/sagolsem) nia chu Eruv Tavshilin bawl ding ahi.
(d) Eruv Tavshilin bawl daan chu hiti hi ahi :- Chaanglhah kihehbal lou, apumlhing, gram 58 saanga neujawlou khat leh amepi ding nehthei dang , gram 28 saanga lhawmlou, huon minsa khat lah-a thangvahna ........ al mitzvat eruv.. sei ding ahi. (chaanglhah hin 'kan' theina chule amepipa hin 'huon' theina kot ahon lhon ahi). Chejou phaatle chun pau iheet peen khata hiche hi sei ding ahi:- "Hiche Eruv hin "kan" theina; chule nehthei (an) hin 'huon' theina kot ei hon pieh tauvin chule bu huon minsa lumsahna ding leh mei tia neh-le-chah kihuon theina kot jong ei hon pieh tauve" tiin. Chaanglhah le amepipa chu Sabbath nia neh dinga koiphat ding ahi tai.
(e) Yom Tov ni-a domain khata kuona domain danga thilkeu puoh le jong ahi theijin, eruv hatzarot leh eruv(doorway) jong angai ta puoi. Thilkeu dopchawnle vaang chu ajieh khohtah khat aumle bou bawl ding ahi.
(f) Yom Tov nia khopi paama chie ding ahilevaang Sabbath nia banga chu eruv techumin bawl angaije.
(g) Yom Tov nia mei haal angaia ahile mei umsa khata kuona detsawn ding ahi; hi'nla mei ti thah ham chule electric thaumei mehvah ahi thei dieh puoi.
(h) lseisa bangun, bu huon athiengin, huon minsa asat jingna dinga koi jong athiengin, chule churup cheep mi adingin cheep jong athienge.
(i) Yom Tov nia mei thamit le meikuong (thaumei) hehniem tihaw vaang athieng puoi. Meikuong hehsaan thei ahiin, electric stove satna vaang suhsaan athieng puoi.
(j) Athu-in vaang Yom Tov nilch mcikuong thisah thci ahi; hi'nla ngaina daana phaat tina chuti bawl jing ding ahi saam puoi. Gas lieu louna dinga 'timer' khat suhtuo-a idei phaata mei achama athi nading bawl thei ahi.
(k) Bu neh a suhbuoi louna dinga Muktzah (Sabbath nia ahpi tuithah leh Sabbath nia pullha theiga haw) chu tawl mang thei ahiin, a muktzah vaang chu neh lou ding ahi. Yom Tov nia sinmw thei thaumei khuom chule meikhet (lighter) tobang haw hi tawl lele thei ahiuve.
.
