GANHING LE ATUI
Ganhing Neu le a tui
(Insects and Eggs)
(a) Ganhing neu (insect) leh mitna muthei atui haw chu neh thienglou ahiuve. Nehthei thil - theiga, anche-louhing, cheese chule nga haw hi phatea suhthieng ahi masanga neh chu phal ahi puoi
(b) Lung in aneh nuom ahiloule lung um nuomna theiga, anche-louhing vet thieng seel masanga neh chu adih puoi. Chule bukhing mekhing, biscuit le mithai haw sawttah kikoisa haw chu ap am, nieng am, lung le khau um am ti vetuoh louva neh ding ahi puoi.
(c) Anchang leh chaangbuong (atta) haw huon masanga phatea jen thieng masah chihchieh angaije.
(d) Anche lawi khat - ama rong leh achunga um lung haw rong heetkah theilouva kibang amnin, chehaw vaang chu vet tahbah-a vet angaijin ahi. Naa khat khata laah a achung anuoi vet suoh angaije. Vinegar twia chawm khat (sawt behseh lou) idie leh aphai.
(e) Neh dinga thienglou vacha haw chu atui jong neh athieng dieh puoi.
(f) Ahtui asunga thisan um hath, ahiloule avom lai um ham ahile neh lou ding ahi. Chule ahpi le ahchal kimatna a kuona hung um ahtui chu thisan malkhat aum jong leh neh thienglou ahi jienge. Chingthei tah-a khuolchil angaije.
(g) Israel gam sung ah ahchal beija ahpi'n tui athah theina aumin; chetobang ahtui vaang chu asung ah thisan ana um tajongleh a thisan chu paimanga adang sie neh thei ahi. Mi lawi-khat hiche jong chu thieng salou lai aum thou mauve.
