NEH JOUVA KIPATHUSEI NA

Neh jouva Kipah-thu Seina Haw.

(Blessings of Thanks)

14. Bu hihenlang nehthei dang dang hijongleh Olive ga saanga neujaw lou ineha ahile neeh jou phaat tiengle neeh-le-chah ei pie ah Pathien kawma kipahthu seina nei ding ahi. (Ineh chu alhawm peena gram 28 ahina ahileh)

15. Chaanglhah hihenlang an dang hijongle ineh jou ’phaat leh ithilneh dungjuia kipahthu seina Birkhat Hamazon sei tei tei ding angaije. Hiche Birkhat Hamazon ahin vaangbuohna jaat chuom 4 (li) apangun ahi. Hiche tauna hi Siddur (Tauna Bu) jousie ah aume. (Hiche tauma hi Thupieh khat suh bulhitna ahi).

16. Cake neh joug Leengpitwi dawn jou chule Israel gamsuoh thei haw - Grape, Theipi,(1ig), Olive, Lusu (date) chule Kawlbuthei (pomegranate) haw neh jouva kisei thangvahna chu achunga kisei Birkhat Hamazon a vangbuohna masa 3 haw toh akilou thimin, hichechu " Meyin Shlosh" akitii. Hiche taunna chu Siddur bu ah aume.

17. Mi khatin nehthei le dawn thei (achunga kisei haw khu hilou) adang aneh a a dawn leh hiche thangvahna hi asei ding ahi.-"Pakai ka Pathien u, Lei le Vaan Leengpa, hinna lhagau jousie siema, chule a siem hinna nei jousie'n ahinna diuva angaichaat jousie jong siem pieh ah, nangma thangvah in um ta’n". Hebrew in — Barukh ata Ad-nai Eloheinu melekh Haolam Borei Nefashot veKheshronam al kol ma Shebara(tha) le hakhayot bahem Nafesh kol khai Barukh khai Haolamim.