NEI-HOP LE HOPSAWM
Nei-hop_leh Hop-sawm
(Trumot U'Masseroth)
32. Israel gam sunga Juda mi khatin thei le anche louhing haw atu leh chie akuona chu Thiempu chan ding - Neihop (truma) chule Hopsawm (maaser) a khendoh angaije. (Khendoh masang chu 'tevel' aki tiin, neh thieng loulai ahi)
33. Chief Rabbinate sunga natong haw'n a vetlhih jing, Trumot le Maaserot kipie hinaam tia akhuolchil jing uh thei le anche haw kikhoikhawmna mun phabep aume; chetobanga koiman avet lou naova kikoi thei le anche haw a chu trumot le maaserot kipieh le kipieh lou phatea khuolchil angaije.
34. Thei hihenlang anche hijongle jaat khata trumot le maaserot pieh ding chu thei jaat dang le anche jaat danga kuona pieh thei ahi puoi; chujongle kum khat lousuoh a pieh ding trumot le maaserot chu kum dang lousuoh a kuona pieh thei ahi puoi. Anche-louhing dinga kum thah chu Tisrei lhabul in akipan in chule Thing-le-guo adinga kumthah chu Shvot l5 ni'n akipane.
35. Shmita kum, kum sagi sunga kum 1na, 2na, 4na chule 5na kuma lousuoh akuon in Trumot aki pie masa in, chujou tiengle Hopsawm masa, Maaser Rishon aki piei. Maaser Rishon akuona hopsawm akipie sawn kitin, hichechu Trumot Maaser aki tii. Hiche jou phaat tieng chule Hopsawm anichanna Maaser Sheni aki pie nalaiin ahi.
36. Eihaw khangin Kohen ading Trumot akipie ta puoi. Chujongle Levite ading Maaser jong pieh angai ta puoi. Hijongle Maaser Sheni a kipiesa thei hihen anche-louhing hijongle suma lhat - doh ding angaije. Chutia lhatdohna a kimang sum chu submang/suhsiet/paimang ding ahi. ( Hinle koi tobang khatin hiche sum chu suhmang masanga man nuonma aneija ahileh Rabbi khat a doh masat angaije) Chaga-gentheite ading " Maaser Oni" vaang amuding dawl haw pieh pai jieng ding ahi.
37. Trumot le Maaser ding khendoh daan chu hiti hi ahi: Amasa'n 100 al (one percent) saanga tamjep ladoh inlang. Thei laha kuona khat peen peen, Prutah khat man ding dawl, ahiloule sum (coin) Prutah khat toh kituoh ding dawl koidoh inlang hiti hin seiin :- l percent vaal sie sie hi Thiempute chan ding Truma Gadola ahi ti ka phuonge, chule hichechu sahlam (north) lampanga um ahi’ tiin. {Thei/anche chu jaat khatseh hilouva jaat chuom chuom auma ahile jaat khat laha kuona khat khat ladoh chieha chule " jaat jousie achuom chieh a ama ama kibawl ding daana bawl chieh ding ahi" tia phuon kit ding ahi.} Tun na lahdohsa lah ah l percent um nalai chule alom laha kuona 9 percent toh gopkhawma (sahlam panga umtoh kijat) hiche chu Hopsawm Masa, " Maaser Rishon" ahi tia phuondoh ding ahi. Hichu Levite neh ding ahi. Hichea kuona hi Levipa'n sawma khat a lahdoh kita Cohen apieh ding ahi.
Levipa'n Cohenpa apieh 10 a l hi Trumot "Maaser" ahi. Kum lna, 2na, 4na leh 5 naa lousuoh akuon Hopsawm ani-channa Maaser Sheni chu Lhang lam (South) lama koi ding ahi. Hiche Maasér Sheni hi ajuoa ka koidoh sum Prutah ham ahiloule thei (fruit) hama chu lhatdoh ding ahi. Kum 3 na leh kum 6 naa Truma Gadola, Maaser Sheni chule Trumot Maaser abawna lahdoh jou phaat tiengle hitia hi phuondoh dinng ahi: "Chaga gentheite chan ding Maaser Oni chu thei leh anche-louhing haw nuoilam akhun aume" Iti ham khata lousuoh haw chu ipi kuma ham ti na· het tahlou le achunga kisei lahdoh ding jousie na lahdoh jou phaat leh hiti hin phuongdoh in: "Chaga gentheite chanding pieh angaia ahileh hichce Neihop hi Maaser Oni himai taan tie" tiin.
38. Lousuoh chunga Neihop leh Hopsawm piehna sa ahia ahileh thangvahna haw sei angaai ta puoi hi’nla hiche haw a kuon chun imacha akipie hihlaaije ti aki hetchet le vaang achung lama kisei Neihop ding haw ikhendoh phaat chule thangvahna sei angaijin ahi. Thangvah na haw chu - "Pakai ka Pathien u, Lei leVaan Lengpa, athupieh a ei suthieng uva, Neihop leh Hopsawm haw pie dinga thu ei pieu ah, nangma thangvah in um ta'n" Hiche na sei jou leh achunga (37 naa) kisei dungjui khun hawm in. Chujouva Lhatdohna kin na bawl masang in hiche thangvahna hi sei kit ding ahi:-"Pakai ka Pathien u, Lei le Vaan Lengpa, athupieha ei suthieng uva, Hopsawm ani channa 'Maaser Sheni' lhatdoh ding thu ei pieuvah, nangma thangvah in um ta‘n" Hiche hi seijou phaat le lhatdohna kin chu bawl thei ahi tai. Thangvahna teni hi Hebrew in : (i) Barukh atta Ad-nai Eloheinu melekh Haolam Asher kiddeshanu bemitzvothav vetzivanu lehaphrish Trumor veMaaser. (ii) Barukh ata Ad-nai Eloheinu melekh Haolam Asher kiddishanu bemitzvothav vetzivanu Al Pidyon Maaser Sheni.
