HAGALA
HAGALA
Um-le-Beel suhthien daan.
A (Kashering Vessels)
(a) Um-le-beel, sa leh bawngnawi huon khawm jieh ham, ahiloule neh thienglou thil dang haw huonna leh nehnaa kiman jieh ham; Kalchuhkut sunga dinga thienglou chol nehnaa ana kimang kha kuong khat Kalchuhkut-a man kit thei dinga idei ham, ahiloule gentile haw mansa beel lui ichoh ham - hiche haw jousie suhthiengna ding chun Hagala bawl angaije.
(b) Ngainaa thil chiedaan khat -- Um-le-beel haw hin asunga kihuon ham, kikang ham, kisunglut ham thil chu achawp lut (absorb abawl) thei bangin a mutdoh theina lampi jong aumin ahi. Hitia chu thil thienglou huonna a kimanga abeelin a thienglou ana chawplut sa haw chu mutdoh sah kit angaiin ahi. hichechu Hagala bawl kiti ahi.
(c) Beel khat Hagala ibawl dinga ahileh amasanga a lhawm peena pung kah 24 (sun khat leh juan khat) man louva koi ding ahi. Hiche phaat sunga hi beel sunga chu sabon tui lui ding ahi. Beel in thil thienglou gim ana chawp lut haw chu sabon in asuhmang ding ahi. Chejou tieng beel chu valseta nawt thieng ding ahi.
(d) Beel neu, twi neen ana chawplut khasa, Hagala bawl ding dan chu - beel lien khat sunga twi thieng awm sou ding, ha souva asou phaat le suhthieng iguot beel neu chu twisou lah-a die lutna, apuma twiin achup suoh kah-a sot lut ding ahi. Iti hama beel liena twisou chu ahung dapna khat aumle awm phat kitna bawl jom ding ahi. Chejou phaat leh beel chu lahdoh-a twidap a sawp thieng ding ahi tai.
(e) Beel lien khat Hagala bawl ding ahile twi sundim seeta sou chul-chula awm ding; chujongle suongtum ham thihtum ham gaw-aam a beel sunga chu lhalut ding ahi. Hitia chu twi ki-awm chu phullet sah-a beel panga lucm lhah sah ding ahi
(f) Huomia a kimang hilou - ankucng, lheeng, khawn tobang haw chu ahile twisou sunkhum thaw-a suh thieng thei ahiuve. Mi ningkhel le thuchilte ihi jieh uvin lheeng le kucng haw jieng jong hi beel kibawl bang khun ibawl ji tauve.
(g) Hagala bawl ding thilkeu chu akeeh keeh a jong bawl thei ahi. Pang khat bawl masah a ajoule pang langkhat bawl jong ahi theije.
(h) Khaangbeel tobang, sa ahula kan gotna a kimangcha thihpeh haw Hagala bawl ding ahile sawp thieng seela meichunga koia, meisi paah thei leuva ahung ap (san) phat geija umsah ding ahi.(Oven le electric plata haw vaang pung kah ni meichunga koi angije.
(i) Achunga kisei daana Hagala bawl thei chu thih, laangva chule suonga kisiem thilkeu haw ahiin, plastic, chinaware le meiin akah vaam thei thil haw ah Hagala aki bawl thei puoi.
(j) Suolam mite chawndaan dungjuiin haai (glass) ham duralex ham haw hi Hagala bawl angai puoi; ajiehchu hiche haw hin imacha a chawplut thei puove; phatea inawt thiengle apha thei jiengin ahi. Ashkenaz chawnna dungjuia hiche haw hi Hagala bawl ngailou ahi.
(k) lnsung thilkeu (furniture) chunga chawl them beh/naat suhthienga Pesach ding kiginna a thil bawl ding daan haw :-
Kuong sawp-mun (Sink)- Thih-a kisiem ahile twisou, aki awmna beel meichunga kuona doplhah-a jangjela sunkhum jieng ding ahi (khawn danga thaal sawn lou ding)
Porcelain Sink - Laangva pheeng ham, thingpeh ham khukhum ding, ahiloule plastic kuong khat asunga daw ding.
Twikai lawng jong twisou sunkhuma suhthieng thei ahi; twi hung pawtna muh chu kheel ding, chutieng twi luonlhahna hawm chu twisa le sabon twi hela sunkhum ding.
Marble maai-pheeng:- Che jong hi twisou sunkhuma suh thieng ding ahi.
Dining Table jong twisou mama a thil dang haw banga sawp ding ahi.
